អ្នកប្រើប្រាស់​បាន Jailbreak រួច​រាល់ សូម​ធ្វើ​ការ​ស្វែង​រក​មេរោគ​មួយ​នេះ និង​លុប​វា​ចេញ​ជា​បន្ទាន់! ចៀស​វាង​បញ្ហា​បាត់​បង់​គណនីផ្សេងៗ!

កន្លងមកប្រហែលជា មួយសប្តាហ៍មុន មានគណនី Apple ប្រមាណជា 225,000 នៅលើឧបករណ៍ របស់ Apple ដែលបាន Jailbreak រួចរាល់ ត្រូវបានទទួលការ វាយប្រហារ ពីពពួក Hacker តាមរយៈ មេរោគប្រភេទ Malware ថ្មីមាន ឈ្មោះថា KeyRaider ដែលកំពុងតែ ធ្វើការអុកឡុក ជុំវិញពិភពលោក ហើយក្រុមការងារ ខេមបូ ក៏បាន ជម្រាបពត៌មាននេះ ទៅកាន់ប្រិយមិត្ត រួចមក ហើយដែរ។

ឥឡូវនេះយើងមានវីធី ទប់ស្កាត់ និង ធ្វើការបំផ្លាញ មេរោគ KeyRaider បានហើយ ដូច្នេះទោះបីជាឧបករណ៍ របស់អ្នក មិនទាន់បាន ទទួលការវាយ ប្រហារក៏ដោយ អោយតែ ធ្វើការ Jailbreak រួចរាល់ សូមធ្វើការ ឆែកឆេរ រកមេរោគ ប្រភេទនេះ នៅលើ ឧបករណ៍របស់អ្នក ជាបន្ទាន់ តាមការ ណែនាំ របស់យើងខ្ញុំ ខាងក្រោមនេះ៖
- ជាដំបូងសូមចូលទៅកាន់ Cydia > Source រួចធ្វើការ បន្ថែម Source http://wolfposd.github.io/
- ក្រោយពីអ្នកធ្វើការបន្ថែម Source រួចរាល់សូមធ្វើការ ស្វែងរក Dylibsearch និងធ្វើ ការតម្លើង
- ក្រោយពីតម្លើង Tweak នេះរួចរាល់សូមចូល ទៅកាន់ Tweak មួយនេះ នៅលើ Home Screen ហើយប្រសិនបើ មានលោត សញ្ញា X នៅខាងមុខ ដូចរូបភាព ខាងក្រោម សូមធ្វើការ លុបវាជាបន្ទាន់។

ប៉ុន្តែប្រសិនបើ អ្នកបាន បើកមើល វាមិនមាន ឯកសារណា ដែលមាន សញ្ញា X នៅខាងមុខទេ នោះឧបករណ៍ របស់លោកអ្នក មិនមាន មេរោគនេះ ចូលមកជ្រៀត ជ្រែកឡើយ ហើយមិន ចាំបាច់ធ្វើការ លុបឯកសារ ផ្សេងៗទេ។ ប៉ុន្តែប្រសិន បើឃើញ មានសញ្ញា X នៅពីមុខ សូមលុបវា ចេញជាបន្ទាន់ រួចធ្វើការ ផ្លាស់ប្តូរ លេខសំងាត់ រាល់គណនី ផ្សេងៗ នៅលើ ឧបករណ៍ របស់អ្នក ផងដែរ។