ក្រឡេកមកមើល ការ Update ទៅកាន់ប្រព័ន្ធប្រតិបត្តិការ iOS 9 វិញម្តង មានប្រិយមិត្តជាច្រើន សួរនាំមកកាន់ ខេមបូ អំពីការ Update ទៅកាន់ប្រព័ន្ធ ប្រតិបត្តិការ iOS 9 សម្រាប់ iPhone 4s ថាតើគួរ Update ឬទេ? “ព្រោះអីវាជាឧបករណ៍ ជំនាន់ចាស់ វាអាចនឹងដើរយឺត” នេះបើយោងទៅ តាមមតិភាគច្រើន របស់ប្រិយមិត្ត ដែលបានបញ្ចេញមតិ។
បាទ! វាពិតជាដើរយឺតមែន បើយោងទៅ តាមការស្រាវជាវ ពីក្រុមការងារយើងខ្ញុំ តាមប្រភពផ្សេងៗ និង ការអនុវត្តន៍ដោយផ្ទាល់ ដោយសារតែ ប្រព័ន្ធប្រតិបត្តិការ iOS 9 វាមាន មុខងារច្រើនគួរសមដែរ និងដំណើរការ កម្មវិធីផ្សេងៗក៏ច្រើន ព្រោះ iPhone 4s បន្ទះឈីបរបស់ វាប្រភេទ A5 និង មានរ៉េមត្រឹមតែ 512MB ហើយណាមួយ iOS 9 ដែលបាន បញ្ចេញមកនេះ ស្ថិតនៅជំនាន់ ដំបូងបំផុត 9.0 ផង ដូចនេះវានៅ មានកំហុស ឆ្គងច្រើន ដែលវាក៏ជា មូលហេតុបណ្តាល ឲ្យ iPhone 4s នេះយឺតផងដែរ។ ប្រសិនបើ ប្រិយមិត្ត ដែលប្រើប្រាស់ iPhone 4s ហើយនៅតែ ចង់សាក រស់ជាតិ iOS 9 គប្បីរង់ចាំកំណែប្រែ នៃជំនាន់ក្រោយក៏ មិនយឺតពេលដែរ វានឹងអាចដំណើរការ ស្រួលជាង iOS 9.0 ក្នុងពេល បច្ចប្បន្ននេះ ហើយអាចនឹង មិនយឺតខ្លាំងនោះទេ។
សរុបមក ចំពោះ ខេមបូ គិតថា ប្រិយមិត្តដែលប្រើប្រាស់ iPhone 4s និងមានបំណងចង់ធ្វើការ Update ទៅកាន់ប្រព័ន្ធប្រតិបត្តិការ iOS 9 ជំនាន់ 9.0 នេះ សូមកុំធ្វើការ Update អី អ្នកអាចនឹងស្តាយក្រោយ ចំណែកឯប្រិយមិត្ត ដែលបាន Update រួចរាល់ហើយចង់ទម្លាក់មកវិញ សូមប្រញាប់ ធ្វើការ Restore មកកាន់ 8.4.1 ជាបន្ទាន់ ខណៈពេលនេះ Apple មិនទាន់បានបិទ 8.4.1 ឡើយ។
សម្រាប់ប្រិយមិត្តដែលប្រើប្រាស់ iPhone 5 ឡើងទៅ អាចតម្លើងបាន ព្រោះអី iPhone 5 វាមានបន្ទះឈីប A6 និង រ៉េម 1GB ដូច្នេះវាអាចសមស្រប និង មុខងារច្រើនដែលមាននៅលើ ប្រព័ន្ធប្រតិបត្តិការ iOS 9។ ប្រសិនបើអ្នកមានចម្ងល់ ឬ មតិផ្សេងៗ អាចធ្វើការ Comment នៅខាងក្រោមនេះ ក្រុមការងារ យើងខ្ញុំនឹងឆ្លើយតបអោយបានរហ័សបំផុត!!!
Post a Comment