ដំណោះ​ស្រាយ​បញ្ហា​ទាំង​មូល​អំឡុង​ពេល និង ក្រោយ​ពេល Jailbreak iOS 9 រួម​ទាំង​បញ្ហា​តម្លើង Tweak មិន​ឃើញ​ក្នុង Settings

ដោយសារតែមាន មិត្តអ្នកអានមួយ​ចំនួន ជួប​បញ្ហា​ជា​ច្រើន និង ពិបាក​ក្នុង​ការ​ដោះ​ស្រាយ​អំឡុង​ពេល ដែល​ប្រើ​ប្រាស់​កម្មវិធី Jailbreak របស់ Pangu និង មួយចំនួនទៀតមានបញ្ហាផ្សេងៗ នៅពេលដែល Jailbreak រួចរាល់ ទើបយើងខ្ញុំសម្រេចធ្វើអត្ថបទមួយទៀត តាមការស្រាវជ្រាវ និង បទពិសោធន៍ខ្លះ​ដែល​ធ្លាប់​ជួប​ដើម្បីបង្ហាញដល់លោកអ្នក។


រាល់បញ្ហាសូមមិត្តអ្នកអាន កុំមានការព្រួយបារម្ភអីថាវានឹងមានបញ្ហាផ្សេងៗ ធ្វើអោយខូចឧបករណ៍របស់​អ្នក វាគ្រាន់តែជាបញ្ហមួយផ្នែកនៃ Software របស់អ្នកប៉ុណ្ណោះ តែអ្វីដែលអ្នកត្រូវប្រយ័ត្នបំផុតនោះគឺការ Back Up ទន្ន័យព្រោះបើមានបញ្ហាអ្នកនឹងត្រូវបាត់បង់ទន្ន័យ ដែលផ្ទុកលើឧបករណ៍របស់អ្នកទាំងមូល​តែម្តង។ សម្រាប់មិត្តអ្នកអានដែលជួបបញ្ហាដូច ខាងក្រោមនេះ សូមធ្វើតាមការណែនាំខាងក្រោម ហើយ​ស្វែងរកបញ្ហាដែលអ្នកជួប៖

• បញ្ហាអំឡុងពេល Jailbreak គាំងត្រឹម 45% Error (OA) 

អំឡុងពេលដែលប្រិយមិត្តធ្វើការ Jailbreak ហើយវាលោតពាក្យថា Error At 45% និង Code (OA)។ ដើម្បីដោះស្រាយបញ្ហានេះ អ្នកគ្រាន់តែភ្ជាប់ឧបករណ៍របស់អ្នកទៅកាន់ កុំព្យូទ័រហើយបើកកម្មវិធី iTune និងធ្វើការ Back Up តែកុំដាក់ធីក លើពាក្យ Encrypt iPhone Back up បើសិនអ្នកឃើញធិកលើ ពាក្យនេះសូមដោះវាចេញ និងធ្វើការ Back Up ហើយសាកល្បង Jailbreak ម្តងទៀត។

• បញ្ហាអំឡុងពេល Jailbreak លោតពាក្យ Failed Attempts ឬ មិននៅពេលមិនអាច Jailbreak បានដោយជោគជ័យ ដោយជួបបញ្ហាផ្សេងៗ
សម្រាប់ប្រិយមិត្តដែលមានបញ្ហា Jailbreak មិនអាចធ្វើការ ​Jailbreak បានដោយជោគជ័យ ឬ ជួប​បញ្ហាផ្សេងៗ សូមសាកល្បង បើក Airplane Mode និង បិទវិញ ហើយព្យាយាមម្តងទៀត និង ភ្ជាប់​ទៅ​កាន់​អ៊ីនធើណែត។ ប្រសិនបើវានៅតែមិនដំណើរការ សូមបិទបើក ឧបករណ៍របស់អ្នកឡើងវិញ មាន​ន័យ​ថា Reboot ហើយព្យាយាម Jailbreak ម្តងទៀត។ តែបើនៅតែមិនដំណើរការ ខេមបូ សូមណែនាំ អោយ​ប្រិយ​មិត្តធ្វើការ Restore ឧបករណ៍របស់អ្នកសារជាថ្មីតែម្តង ដោយធ្វើតាមរយៈ កម្មវិធី iTune កុំ Update វាតាមរយៈ Settings អោយសោះ ចំណែកឯ Firmware Restore 9.0.2 អ្នកអាចទាញយក ទីនេះបាន បន្ទាប់មកសូម សាកល្បង Jailbreak ម្តងទៀតអ្នកនឹងទទូលបានជោគជ័យ តែកុំភ្លេច Back Up ទន្ន័យសំខាន់ៗអ្នកទុកផង។

• Jailbreak ហើយៗ តែអត់ឃើញ Cydia 
សម្រាប់អ្នកដែលជួបបញ្ហានេះងាយស្រួលទេ ប្រសិនបើកម្មវិធី Pangu មិនទាន់បានលុបចេញពី ឧបករណ៍​​របស់អ្នក ក្រោយពេលដែល Jailbreak រួចរាល់អ្នកគ្រាន់តែបើកកម្មវិធី Photo ហើយបើកកម្មវិធី Pangu និងធ្វើយ៉ាងណា អោយវា Access ទៅកាន់កម្មវិធី Photo ពេលនោះ Cydia វានិងបង្ហាញ​ខ្លួន​ភ្លាម​។


• បញ្ហា Cydia បើកហើយវាលោតចេញមកវិញ ឬ បើកមិនចេញ
បញ្ហានេះ ជាដំបូងសូមប្រិយមិត្តសាកល្បង Reset សិនដោយចូលទៅកាន់ Settings > General > Reset និង យក Erase All Content Settings ជាការស្រេច​ ហើយសាកល្បងបើក Cydia ម្តងទៀត តែប្រសិនបើវាមិនដំណើរការ សាកល្បង Restore ម្តងទៀត តាមរយៈ iTune និងធ្វើការ Jailbreak សាជាថ្មី វានឹងដំណើរការ។


• បើក Cydia ចេញតែវាគាំង
បញ្ហានេះងាយស្រួលជា សូមភ្ជាប់ឧករណ៍ របស់អ្នកទៅកាន់ អ៊ីនធើណែតអោយបានត្រឹមត្រូវ ហើយ​សាក​ល្បងបើកកម្មវិធី Cydia ម្តងទៀត តែប្រសិនវាមិនដំណើរការ សូមផ្លាស់ប្តូរអ៊ីនធើណែតរបស់អ្នក ទៅ​កាន់​អ៊ីនធើណែត​ផ្សេងៗ ព្រោះវាអាចមកពី Sever មិនដំណើរការ។


• បញ្ហាតម្លើង Tweak មិនឃើញក្នុងកម្មវិធី Settings
បញ្ហានេះត្រូវបានដោះស្រាយរួចរាល់ហើយ ក្នុង Cydia ជំនាន់ចុងក្រោយ អ្នកគ្រាន់តែធ្វើការ Update Cydia ជំនាន់ចុងក្រោយបង្អស់ ពេលនោះ វានឹងលោត Tweak ដែលអ្នកបានតំឡើងមានមុខងារក្នុង Settings នៅក្នុងកម្មវិធី Settings ភ្លាម សម្រាប់ប្រព័ន្ធប្រតិបត្តិការ iOS 9 ដែលបាន Jailbreak រួចរាល់។